IT ခေတ်တွင် ကွန်ပျူတာ၊ မိုဘိုင်းဖုန်းများ နှင့် အခြား အီလက်ထရောနစ်ပစ္စည်း အများစုတွင် USB connector များကို ထည့်သွင်းအသုံးပြုလာကြပြီ ဖြစ်ပါသည်။

USB (or) Universal Serial Bus သည် ကွန်ပျူတာ နှင့် အီလက်ထရောနစ် ပစ္စည်းများကြား ချိတ်ဆက် တပ်ဆင်မှု၊ ဆက်သွယ်မှု၊ လျှပ်စစ်ဓာတ်အား ပေးပို့မှု တို့တွင် အသုံးပြုသော cable များ၊ connection များ၊ communication protocol များနှင့် သက်ဆိုင်သော လုပ်ငန်းပိုင်း စံနှုန်းသတ်မှတ်ချက် ဖြစ်သည်။

USB သည် ကွန်ပျူတာ အထောက်အကူပြု ပစ္စည်း များဖြစ်သော keyboard, mouse, printer, scanner, digital camera, music player, storage devices များနှင့် network adapter များကို Computet တွင် တပ်ဆင်ရာတွင် ဓာတ်အားပေးပို့ ခြင်း နှင့် ဆက်သွယ်ရေးတို့ကို စံ တစ်ခု အနေဖြင့် ရှိ စေရန် ဒီဇိုင်းပြုလုပ်ထားခြင်း ဖြစ်သည်။
ထိုစနစ်သည် Computer တွင်မကဘဲ Smartphone, PDA, Video Game Console များနှင့် အခြား electronic ပစ္စည်းများတွင်လည်း အသုံးပြုကြသည်။

USB သည် အစောပိုင်း ဆက်သွယ်မှုတွင် အသုံးပြု သော Serial Port နှင့် Parallel Port များကို အစား ထိုး နေရာယူလာနိုင်ပြီ ဖြစ်ပြီး Portable Devices များအတွက် ဓာတ်အားပြန်လည်ဖြည့်သွင်းပေးသည့် Charger များ နေရာကိုလည်း ရယူလာနိုင်ခဲ့ပါသည်။
အခြား နည်းပညာတစ်ခုမှာ Hot Swapping ရခြင်း ဖြစ်သည်၊ ဆိုလိုသည်မှာ Computer ကို restart လုပ်စရာ မလိုဘဲ USB Device များကို တပ်ဆင် အသုံးပြုနိုင်ခြင်း ဖြစ်သည်။

USB Version & Data Transfer Rate
-----------------------------
USB 1.1 ... 12 Mbps
USB 2.0 ... 480 Mbps
USB 3.0 ... 5 Gbps
USB 3.1 ... 10 Gbps. ... အမြန်နှုန်းများဖြင့် အချက်အလက် သယ်ဆောင်ပေးပါသည်။

လက်ရှိ USB device အများစုတွင် အသုံးပြု ထားတာကတော့ USB 2.0 ဖြစ်ပါသည်။
Latest Motherboard များ၊ Laptop များ၊ External Hard Disk များတွင် USB 3.0 ကို ထည့် သွင်း အသုံးပြုလာကြပါသည်။

USB Connector Types
----------------------------------
အခြား cable များ (Ethernet, HDMI, etc.) နှင့် မတူဘဲ USB cable ကြိုးများတွင် အသုံးပြုသော Connector (ချိတ်ဆက်ခေါင်း) များသည် အရွယ် အစား ပုံစံ အမျိုးမျိုး ရှိကြသည်။

>>> Standard - A. Type
>>> Standard - B
>>> mini - A
>>> mini - B
>>> micro - A
>>> micro - B

* USB standard - B ကို Printer များတွင် အသုံးပြု ကြသည်။
* micro - B ကို Smartphone အများစုတွင် သုံးပြီး
* mini - B ကို Music player များ၊ Scanner များ၊ အခြား အီလက်ထရောနစ် ပစ္စည်းများတွင် သုံးသည်။

* ယခု နောက်ဆုံးထွက်ရှိလာတာကတော့ USB Type - C ပဲ ဖြစ်ပါသည်။ အချက်အလက် သယ်ဆောင်နိုင်မှု အမြင့်ဆုံး 10 Gbps ရတဲ့ USB 3.1 နဲ့ အသုံးပြုနိုင်ပါသည်။

Apple နှင့် Google တို့ရဲ့ ထုတ်ကုန်အသစ် များ ဖြစ်သည့် Apple Macbook နှင့် Google Chromebook Pixel များတွင် USB 3.1 ထောက်ပံ့မှု နှင့်အတူ Type - C connector အရွယ်အစားကို ထည့်သွင်း အသုံးပြုထားပါသည်။

ပုံ-၁ ... micro-B, standard-A, mini-B, standard-B
ပုံ-၂ ... micro-B
ပုံ-၃ ... micro-A
ပုံ-၄ ... Type-C port
ပုံ-၅ ... Type-C plug
ပုံ-၆ ... mini-A and mini-B

References: wikipedia

Kyaw Kyaw (UniSUN)


====

ဤဆောင်းပါးအား UniSUN Computer Center မှ ပံ့ပိုးပေးပါသည်။

လိပ်စာကတော့ - https://taungoo.net/directory-home/850-unisun