Mi Note 10 with 108MP Camera

Details
Hits: 1243

 

Xiaomi smartphone အသစ်ဟာ ယခုဆိုရင် 3C certification (CCC) ရရှိသွားပါပြီ။ CCC ဆိုတာကတော့ တရုတ်ပြည်တွင်းဈေးကွက်ကို တင်သွင်းတဲ့ (သို့) ဈေးကွက်ထဲမှာ ရောင်းချတဲ့ ကုန်ပစ္စည်းတွေဟာ သုံးစွဲသူတွေအတွက် အန္တရယ်ကင်းရှင်းနိုင်ဖို့ တင်းကျပ်စွာ စီစစ်ထားတဲ့ သက်သေခံလက်မှတ် အမှတ်အသားတစ်ခုပဲဖြစ်ပါတယ်။ အသစ်ထပ်ထွက်မယ့် new Xiaomi MI CC9 Pro ဖုန်းတွင် အဆိုပါ 3C Certificate တံဆိပ်ပါတဲ့ charger model MDY-11-EF ကိုထည့်သွင်းပေးထားပြီး ၎င်း charger ဟာ 30 W (10V/3A) အသုံးပြုနိုင်မှာပါ။ Xiaomi MI CC9 Pro ဟာ Global ဈေးကွက်ထဲမှာတော့ Xiaomi Mi Note 10 နာမည်နဲ့ ဖြန့်ချီနိုင်ပါတယ်။

Xiaomi Mi CC9 Pro specs

6.4-inch super AMOLED panels
Snapdragon 730G
4,030 mAh
30W fast charging
108MP + 32MP + 13MP + 8MP quad rear cameras
MIUI 11 based on Android 10
In-screen fingerprint sensor

ကောလဟာလသတင်းများအရတော့ ၎င်းဖုန်းဟာ ညခင်းဘက်ရိုက်နိုင်တဲ့ night shooting camera ပါလာနိုင်တယ်လို့ ဆိုပါတယ်။ ယနေ့ နိုဝင်ဘာ ၁ ရက်နေ့ (မြန်မာစံတော်ချိန်) မနက် ကိုးနာရီခွဲလောက်က Xiaomi ရဲ့ Twitter အကောင့်ခွဲတစ်ခုကနေ MiNote 10 မှာ 108MP ကင်မရာပါလိမ့်မယ်လို့ Tweet ခဲ့ပါတယ်။ Selfie ကင်မရာအပါအဝင် ကင်မရာငါးလုံးတပ်ဆင်ထားမှာဖြစ်ပါတယ်။ Samsung 108MP ISOCELL Bright HMX တစ်လုံးအပါအဝင် Wide-angle camera, Marco camera နဲ့ Telephoto camera တွေ ပါဝင်ပါလိမ့်မယ်။ Qualcomm Snapdragon 730G processor ကိုတပ်ဆင်ထားပြီး Android 10 ကို အခြေခံထားတဲ့ MIUI 11 OS ပါပါလိမ့်မယ်။

ဆက်လက်ပြီးတော့ ကောလဟာလတွေအရ 6GB / 128 GB ပါဝင်တဲ့ဖုန်းကို ကန်ဒေါ်လာ 368 နဲ့ စတင်ရောင်းချနိုင်ပြီး 12GB / 256GB အထိ ရွေးချယ်နိုင်ဖွယ်ရာရှိပါတယ်လို့ ပြောထားပါသေးတယ်။

Xiaomi MI CC9 Pro ကို ၂၀၁၉ နိုဝင်ဘာလ အစောပိုင်းလောက်မှာ ထွက်ရှိလိမ့်မယ်လို့ ခန့်မှန်းနေကြပါတယ်။