iPhone 11 (or) iPhone XI

(၂၀၁၉ စက်တင်ဘာလလောက်မှ ထွက်လာမယ့် iPhone 11 (သို့) iPhone XI ကို ခန့်မှန်းထားတဲ့ ဆောင်းပါးတွေကိုTaungoo.Net မှ စုစည်းတင်ပြလိုက်ပါတယ်)

၂၀၁၇ မှာ ယခင် iPhone တွေနဲ့မတူ ပရိသတ်ကို အံ့သြသွားစေခဲ့တယ့် တမူထူးခြားတဲ့ ပုံစံအသစ်နဲ့ iPhone X လိုမျိုး ထူးခြားဆန်းပြားလိမ့်မယ်လို့တော့ မမျှော်လင့်ခဲ့ပေမယ့် iPhone 11 ဟာ iPhone XS ထက် ကြီးမားတဲ့ အပြောင်းအလဲတွေနဲ့ ထွက်လာမယ်လို့ မျှော်လင့်နေပါတယ်လို့ TechRadar က ရေးသားထားပါတယ်။

(TechRadar က ၂၀၁၈ တုန်းက iPhone XS release date တွေကို မှန်ကန်စွာခန့်မှန်းနိုင်ခဲ့တာကြောင့် ယခု iPhone 11 အတွက်လည်း အောက်ပါအတိုင်း ခန့်မှန်းထားပါတယ်။)

New iPhone 11 release date
iPhone 11 launch date: September 10 2019 (TechRadar predicts)
iPhone 11 pre-order date: September 13 2019 (TechRadar predicts)
iPhone 11 release date: September 20 2019 (TechRadar predicts)

၂၀၁၈ ခုနှစ်မှာ iPhone ဟာ မော်ဒယ်သုံးမျိုးထွက်ရှိခဲ့ပါတယ်။ ဒါ့ကြောင့် TechRadar က ယခုနှစ်မှာ ထွက်ရှိမယ့် သုံးလုံးနာမည်ကို iPhone 11, iPhone 11 Max နဲ့ iPhone 11R ဖြစ်လိမ့်မယ်လို့ ခန့်မှန်းထားပါတယ်။

ဒါ့ကြောင့် iPhone 11 မှာ ဘယ် feature တွေပါမလဲ၊ notch ပါဦးမှာလား ဆိုတာကို အောက်ပါအတိုင်း ခန့်မှန်းထားခဲ့ကြပါတယ်။

၁။ iPhone 11 ဟာ Apple ရဲ့ နောက်ထပ် flagship ဖုန်းတစ်လုံးဖြစ်လာလိမ့်မယ်။

၂။ ၂၀၁၉ စက်တင်ဘာလအလယ်လောက်မှာ ထွက်လာလိမ့်မယ်။

၃။ မနှစ်က iPhone XS ဈေးထက် ဈေးထပ်မတင်လောက်တော့ပါဘူး။

New iPhone 11 leaks and latest news

ထွက်လာဖို့ရာ လအတော်ကြာ လိုသေးပေမယ်လို့ iPhone 11 ရဲ့ လျှို့ဝှက်ချက်တွေကတော့ တဖြည်းဖြည်းပေါ်လာပါပြီ။

ကင်မရာသုံးလုံးဟာ ကင်မရာ block ကြီးပေါ်မှာ ထည်ထည်ဝါဝါကြီးရှိနေတဲ့ ဖုန်းကို ပုံမှာ မြင်တွေ့ရမှာပါ။ အနောက်ဘက်မှာ glass နဲ့ လုပ်ထားပြီးတော့ iPhone XS အတိုင်း ခလုတ်တွေက ရှိနေပါတယ်။

ဒီပုံတွေက တစ်နေရာကနေ leak ဖြစ်လာတာဖြစ်ပေမယ့် တခြား leaker ကလည်း ဖြစ်နိုင်ချေရှိတယ်လို့ ပြောပြန်ပါတယ်။ ဒါပေမယ့် launch မဖြစ်ခင် ဒီဇိုင်း leak ဖြစ်တာ စောနေသေးတဲ့အတွက် တကယ်တမ်း launch လုပ်ခါနီးမှ ဒီဇိုင်းပြောင်းသွားနိုင်ချေလည်း ရှိပါတယ်။

ဒါပေမယ့် တခြားတစ်နေရာက ထပ်ကြားရတာကတော့ 2019 iPhone မော်ဒယ်တွေထဲမှာ အကြီးဆုံးဖြစ်နိုင်ချေရှိတဲ့ iPhone 11 Max မှာ ကင်မရာသုံးလုံးပါနိုင်ဖွယ်ရာ ရှိပါတယ်တဲ့။ အခြားမော်ဒယ်နှစ်ခုမှာကတော့ Dual-lens ပဲ ပါဦးမယ်လို့ ထပ်ပြောကြပါသေးတယ်။

အခြားသတင်းတစ်ခုမှာကတော့ iPhone အသစ်မှာ Sony ရဲ့ next-gen 3D sensor တွေ ပါလာနိုင်တယ်လို့ ထောက်ပြပါတယ်။ အဆိုပါ Sony next-gen 3D sensor တွေရဲ့ အားသာချက်ကတော့ face unlock မြန်ဆန်လွန်းခြင်း၊ Portrait mode ဓာတ်ပုံရိုက်တဲ့အခါမှာ depth sensing ပိုမိုကောင်းမွန်ခြင်း၊ 3D modelling လုပ်ငန်းတွေအတွက် ကောင်းမွန်တဲ့အထောက်အပံ့ရခြင်းနဲ့ Augmented Reality
(AR) ကရိယာအဖြစ် အသုံးပြုနိုင်ခြင်းတို့ပဲ ဖြစ်ပါတယ်။

AR လို့ခေါ်တယ့် Augmented Reality နဲ့ VR လို့ခေါ်တယ့် Virtual Reality ကို မရောထွေးသွားကြဖို့ ကြားဖြတ်ပြောပါရစေ။ AR (Augmented Reality) ဆိုတာက လက်ရှိအပြင်မှာမြင်နေရတဲ့ မြင်ကွင်းထဲမှာ smartphone camera လိုမျိုး ပစ္စည်းတစ်ခုခုကို အသုံးပြုပြီး Digital ပစ္စည်းတွေ (element or subject) ထပ်ပေါင်းထည့်တာပါ။ လွယ်လွယ်ကူကူ ဥပမာပြရရင်တော့ AR ကို Pokemon Go ဂိမ်းမှာ တွေ့မြင်နိုင်ပါတယ်။ ဒါမှမဟုတ်ရင်လည်း Facebook ရဲ့ Messenger မှာ ကိုယ့်ရုပ်ကို ဦးထုပ်ဆောင်းတာတို့၊ နဂါးပုံပြောင်းတာတို့၊ ယုန်နှာခေါင်းတပ်တာတို့ကို AR အသုံးပြုထားတယ်လို့ ပြောလို့ရပါတယ်။
VR (Virtual Reality) ကတော့ လက်ရှိလောကကြီးကို မြင်ကွင်းကနေ ဖျောက်ပစ်လိုက်ပြီး အဆက်အသွယ်ဖြတ်လိုက်တဲ့ သဘောမျိုးပါ။ အခုဆို VR မျက်မှန်တွေ အများကြီး ပေါ်ထွက်လာပါပြီ။ နောက်ဆုံး Google Cardboard လိုမျိုး ကိုယ့်ဘာသာတောင် လုပ်လို့ရနေပါပြီ။ အဆင့်မြင့်လာတဲ့အခြေအနေမှာ လက်ကိုင်ခလုတ်တွေသုံးပြီး စိတ်ကူးယဉ်လောကကြီးထဲမှာ လျှောက်သွားတာ၊ ဂိမ်းကစားတာ၊ ရိုလာကိုစတာစီးတာ၊ ကမ္ဘာ့ဝင်ရိုးစွန်းတွေ စကြာဝဠာအတွင်းက ဂြိုဟ်တွေကို သွားလည်ပတ်တာ စတာတွေကို အိမ်ထဲက အိမ်ပြင်မထွက်ဘဲ လုပ်လို့ရနေပါပြီ။ ဒီလောက်ဆို AR နဲ့ VR အကြောင်း ခပ်ရေးရေး ခွဲခြားမိပြီထင်ပါတယ်။

ကဲ ... iPhone 11 အကြောင်း ပြန်ဆက်ရအောင် ...

အရှေ့ကင်မရာကိုတော့ ပိုသေးတဲ့ notch ပေါ်မှာ တပ်ဆင်ထားလောက်ပြီး sensor အချို့ကိုတော့ screen ရဲ့ အောက်ဘက်မှာ ထားနိုင်ဖွယ်ရာရှိပါတယ်။ ဒါကိုတော့ ထောက်ခံထားတာမရှိပေမယ့် notch ကို ပိုမိုသေးငယ်စေမယ့် နည်းပညာတွေကို အသုံးပြုလိမ့်မယ်လို့ TechRadar ကမျှော်လင့်ထားပါတယ်လို့ ဆိုပါတယ်။

လက်ရှိမှာ iPad ပေါ်မှာပဲ အသုံးပြုလို့ရသေးတယ့် Apple Pencil ကို iPhone 11 မှာ အလုပ်လုပ်စေဖို့နည်းပညာ ထည့်သွင်းနိုင်ဖွယ်ရာရှိတယ်လို့ iPhone 11 leak တစ်ခုမှာ ဖော်ပြထားပါတယ်။

Apple ဟာ iPhone အသစ်ထုတ်တိုင်း ထုတ်တိုင်းမှာ သူ့ရဲ့ chipset အသစ်တွေကိုပါ တစ်ခါတည်းထည့်သွင်းပါတယ်။ ဒါ့ကြောင့် Apple ရဲ့ A13 chip ကို iPhone 11 မှာထည့်သွင်းနိုင်တယ်လို့ ထင်ကြေးပေးနေပါတယ်။

5G Technology ကိုတော့ ၂၀၂၀ ခုနှစ်ပိုင်းမှာထုတ်မယ့် ဖုန်းတွေမှာပါလိမ့်မယ်လို့ ယူဆရပေမယ့် iPhone 11 ထဲမှာ နောက်ဆုံးထွက်နည်းပညာဖြစ်တဲ့ Wi-Fi 6 connection ကို ထည့်သွင်းဖွယ်ရာရှိနေပါတယ်။

New iPhone 11 release date
iPhone 11 launch date: September 10 2019 (TechRadar predicts)
iPhone 11 pre-order date: September 13 2019 (TechRadar predicts)
iPhone 11 release date: September 20 2019 (TechRadar predicts)

iPHONE LAUNCH DATES

၂၀၁၉ စက်တင်ဘာ ၆ ရက်ကနေ ၁၁ ရက်နေ့အထိ ဘာလင်မှာကျင်းပမယ့် Europe's biggest tech show (IFA 2019) ရှိနေတဲ့အတွက် iPhone 11 ရဲ့ launch date ဟာ အနည်းငယ်လောက် နောက်ကျလိမ့်မယ်လို့ ခန့်မှန်းထားကြပါတယ်။

Apple ဟာ သူ့ရဲ့သမိုင်းမှာ Phone အသစ်မိတ်ဆက်ပွဲကို တနင်္လာနေ့မှာ လုပ်လေ့မရှိပါဘူး။ အင်္ဂါ (သို့) ဗုဒ္ဓဟူးနေ့တွေမှာ လုပ်လေ့ရှိပါတယ်။ သို့သော်ငြားလည်း ဗုဒ္ဓဟူးနေ့ဖြစ်တဲ့ စက်တင်ဘာ ၁၁ ရက်နေ့ဟာ အမေရိကန်မှာ ဝမ်းနည်းပူဆွေးတဲ့ အထိမ်းအမှတ်နေ့ဖြစ်နေတာကြောင့် အင်္ဂါနေ့ဖြစ်တဲ့ စက်တင်ဘာ ၁၀ ရက်နေ့မှာ iPhone 11 ကို မိတ်ဆက်မယ်လို့ ယူဆကြပါတယ်။
(2001, September 11 နေ့မှာ နယူးယောက်မှာရှိတဲ့ World Trade Center ကို အယ်လ်ကိုင်းဒါးအကြမ်းဖက်အုပ်စုက ပြန်ပေးဆွဲထားတဲ့ လေယာဉ်နဲ့ ဝင်တိုက်ခဲ့လို့ လူပေါင်း ၂၉၉၆ ဦး သေဆုံးကာ ၆၀၀၀ ကျော် ဒဏ်ရာရရှိခဲ့ပါတယ်။ ဒါ့ကြောင့် အမေရိကန်နိုင်ငံမှာ အဲ့ဒီ 9/11 ကို ဝမ်းနည်းပူဆွေးတဲ့နေ့ရက်အဖြစ် သတ်မှတ်ခဲ့ပါတယ်)

တကယ်လို့ Apple ဟာ Operation Practical Training လုပ်နေရလို့ တစ်ပတ်လောက် နောက်ကျခဲ့ရင် စက်တင်ဘာ ၁၇ (သို့) ၁၈ ရက်နေ့ ဖြစ်မယ်လို့ ယူဆရပါတယ်။

ကြိုတင်မှာယူရမယ့်ရက်ကတော့ စက်တင်ဘာ ၁၀ ရက်နေ့မှာမိတ်ဆက်ပြီးရင် သောကြာနေ့ဖြစ်တဲ့ ၁၃ ရက်နေ့ ဖြစ်မယ်လို့ ယူဆပါတယ်။ ဒါ့ကြောင့် Release လုပ်မယ့်ရက်ကတော့ တစ်ပတ်တိတိကြာပြီးနောက် စက်တင်ဘာ ၂၀ ရက်နေ့ပဲ ဖြစ်ပါလိမ့်မယ်။ Apple က iPhone 11 ကို အစဉ်အလာအတိုင်းထုတ်သွားမယ်ဆိုရင်တော့ စက်တင်ဘာလ ၁၀ ရက်နေ့ဟာ မြေကြီးလက်ခတ် ဗြက်ခနဲပဲလို့ TechRadar က ပြောထားပါတယ်။

New iPhone 11 price
iPhone 11 ဈေးကိုတော့ အမေရိကန်ဒေါ်လာ ၉၉၉ ကနေ စလိမ့်မယ်လို့ ခန့်မှန်းကြပါတယ်။ (ဒါကတော့ သူတို့ market ရဲ့ ဈေးပါ။ မြန်မာနိုင်ငံမှာ ပေါက်တဲ့ဈေးတော့ မဟုတ်ပါဘူး။)
Apple က iPhone XS နဲ့ iPhone X ကို အမေရိကန်ဒေါ်လာ ၉၉၉ နဲ့ ဖွင့်ခဲ့လို့ ဒီဈေးနဲ့ ခန့်မှန်းတာဖြစ်ပါတယ်။ iPhone 11R မှာတော့ iPhone 11 ထက် ဈေးလျှော့နိုင်ပါတယ်လို့ ထပ်မံပြီးခန့်မှန်းထားပါသေးတယ်။

New iPhone, iPhone 11 or iPhone XI?

iPhone 11 ကို ဘယ်လို အမည်သမုတ်မလဲဆိုတာကတော့ အဖြေမထွက်တဲ့ ပဟေဠိကြီးပါပဲ။ ဘာဖြစ်လို့လဲဆိုတော့ Apple က နာမည်ပေးဖို့ရာ ပုံသေးမရှိသေးလို့ပါ။ (Android ဆိုရင် OS version တွေကို ဒိုးနပ်တို့၊ ပိုင်တို့၊ ဂျယ်လီဘင်းန်တို့၊ လော်လီပေါ့ပ်တို့လို အချိုမုန့်နာမည်တွေကို ပေးတဲ့ Theme ရှိပါတယ်)

လောလောဆယ်မှာတော့ Apple ဟာ နာမည်တွေကို နောက်ကနေ အရှေ့ ပြောင်းပြန် ပေးထားပါတယ်။ XS, XS Max ပြီးတော့ XR (S ပြီးတော့ R)။ ဒါပေမယ့် အဲ့ဒါကလည်း ကလင်ဒါကျမဟုတ်သေးတော့ ပြောရခက်နေပါသေးတယ်။ နောက်ပြီးတော့ ရောမကိန်းဂဏန်းဖြစ်တဲ့ X (တစ်ဆယ်) ကို သုံးထားပြန်တော့ အဲ့ဒီရောမဂဏန်းကိုပဲ နောက်ပြန်ကောက်မှာလား၊ ရှေ့ဆက်တိုးမှာလား မရေရာသေးပါဘူး။ အခုအခြေအနေမှာလည်း Apple က new iPad တို့လို new ဆိုတဲ့ နာမည်လေးသုံးနေပြန်တော့ နောက်ဘာလာဦးမလဲဆိုတာ ထပ်စဉ်းစားရပြန်တယ်။ (အသစ်ရဲ့အသစ်ဆိုလည်း မဟုတ်သေးပါဘူး။) Apple က iPhone 9 ဆိုတာကိုလည်း မထုတ်ဘူးလေ။ အင်္ဂလိပ်ဂဏန်းနဲ့နာမည်ပေးတာကလည်း iPhone 8 က နောက်ဆုံးဖြစ်သွားပြီး အခုနောက်ပိုင်း ရောမကိန်းဂဏန်းနဲ့ဖုန်းတွေ ဆက်ထွက်လာတယ်။ ဘယ်လိုပဲဖြစ်ဖြစ် iPhone 11 နဲ့ iPhone XI ဆိုတဲ့ နာမည်ကတော့ ဖြစ်နိုင်ချေ အများဆုံးပါပဲ။ (အင်္ဂလိပ်ဂဏန်းနဲ့ iPhone 11 ပြန်ထွက်တယ်ဆိုတာတော့ နည်းနည်းမဖြစ်နိုင်ဘူး မဟုတ်လား)

New iPhone 11: what we want to see
iPhone XS နဲ့ iPhone XS Max တို့ဟာ တော်တော်လေးကောင်းတဲ့ smartphone တွေပါ။ ဒါပေမယ့် လူ့အလိုနတ်မလိုက်နိုင်ဆိုတဲ့ စကားနဲ့အညီ နည်းပညာတွေကလည်း တဖြည်းဖြည်းအဆင့်မြင့်လာတယ် မဟုတ်လား။ ဒါ့ကြောင့် Apple က ဆန်းသစ်တဲ့ နည်းပညာတွေကို လိုအပ်ချက်နဲ့အညီ ဖြည့်ဆည်းပေးဖို့လုပ်မှာပဲလေ။ အောက်မှာ TechRadar က ခန့်မှန်းထားတဲ့ ပြောင်းလဲမှုအသစ်လေးတွေ ကြည့်ကြည့်ရအောင်လား။

1. Notch

အနုအရွ အလှအပတွေကို နည်းပညာနဲ့အတူ ခံစားကြတဲ့အချိန်မှာ notch ဟာလည်း တယ်လီဖုန်းဒီဇိုင်း နည်းပညာလှိုင်းလုံးထဲက လှိုင်းလုံးငယ်တစ်ခုပါ။ notch ကို ရှုပ်တယ်ဆိုပြီး မကြိုက်တဲ့သူတွေရှိသလို၊ ကြိုက်တဲ့သူတွေလည်းရှိပါတယ်။ notch ဆိုတာဟာ screen ကို ဖုန်းမျက်နှာအပြည့် ဖြန့်ခင်းလိုက်တဲ့အချိန် ဆယ်လ်ဖီးရိုက်ဖို့ (အနောက်ဘက်) ကင်မရာနဲ့ sensor အချို့ကို ပေးထားတဲ့နေရာပဲဖြစ်ပါတယ်။ ဘာပဲပြောပြော notch နည်းပညာက ပြိုင်ဘက်ကုမ္ပဏီတွေမှာ ထုတ်ဖော်ပြသပြီးမှ Apple ဟာ iPhone X မှာ notch ကို စတင်မိတ်ဆက်ခဲ့တာပါ။

Android phone ပြုလုပ်သူတွေက notch နေရာကို မိုးပေါက်တစ်ပေါက်စာနေရာလောက်ပေးထားပေမယ့် Apple ရဲ့ notch ဟာ screen ပေါ်မှာ နေရာအတော်ယူထားပါတယ်။

Apple ဟာ မိုက်ခရိုဖုန်း၊ proximity sensor (အနီးအနားမှာရှိတဲ့ အရာဝတ္ထု၊ ပစ္စည်းတွေကို အာရုံခံတဲ့ ကိရိယာ) နဲ့ စပီကာတို့ကို နေရာပြောင်းထားပြီး notch နေရာကို ပိုကျဉ်းသွားဖို့ လုပ်မယ်လို့ ထင်မိပါတယ်။

ဒါပေမယ့် notch ပါသည်ဖြစ်စေ၊ သေးသည်ဖြစ်စေ၊ ကြီးသည်ဖြစ်စေ ရှင်းရှင်းလင်းလင်းနဲ့ တင့်တယ်ပြေပြစ်တဲ့ဒီဇိုင်းမျိုးဆို လူကြိုက်ကတော့ များဦးမှာပါပဲ။

2. A new design

လက်ရှိဖုန်းတွေဖြစ်တဲ့ iPhone XS နဲ့ iPhone XS Max တို့ရဲ့ ဒီဇိုင်းတွေက ဈေးကွက်ထဲမှာ ပြေပြစ်တင့်တယ်လှပကြွရွနေတော့ နောက်ထပ်ဘာဒီဇိုင်းမျိုးက သူတို့ကို အနိုင်ယူဖို့ဆိုတာ စဉ်းစားစရာပါပဲ။

Apple ဟာ ယခင်မျိုးဆက်နှစ်ဆက်လောက်ကဒီဇိုင်းတွေကိုပဲ ပြန်သုံးပါတယ်။ တကယ်လို့များ Apple ဟာ notch ကို နေရာပြန်ချထားမယ်ဆိုရင်တော့ အပေါ်မှာပြောထားတဲ့အတိုင်းပြင်ဆင်လိမ့်မယ်လို့ ယူဆပါတယ်။

Apple ဟာ headphone jack နဲ့ home button ကို ဖျောက်ထားတဲ့ ဒီဇိုင်းတွေ ထွက်ပြီးပါပြီ။ ဒါကြောင့် အခြားခလုတ်တွေဖြစ်တဲ့ အသံအတိုးအချဲ့နဲ့ ပါဝါခလုတ်တွေ၊ alert slider ခလုတ်တွေအပေါ် ဘာဆက်လုပ်မလဲဆိုတာ စဉ်းစားစရာအချက်ဖြစ်ပါတယ်။

HTC နဲ့ Google တို့ဟာ ဖုန်းဘေးနှစ်ဘက်ကို ညှစ်လိုက်တာနဲ့ အလုပ်လုပ်တဲ့နည်းပညာကို တင်ပြထားတာကို တွေ့ဖူးကြမှာပါ။ တကယ်လို့များ Apple က ဒီနည်းပညာကို သုံးခဲ့မယ်ဆိုရင်တော့ ခလုတ်တွေထည့်စရာလိုတော့မှာ မဟုတ်ပါဘူး။

3. Better battery life

နှစ်တိုင်းနှစ်တိုင်း ဆုတောင်းပေမယ့် မပြည့်ခဲ့တဲ့ဆုထဲမှာ iPhone ရဲ့ ဘက်ထရီသက်တမ်းလည်း ပါပါတယ်။

iPhone XS ရဲ့ဘက်ထရီဟာ iPhone X ထက်သာလွန်ခဲ့ပေမယ့် ဈေးကွက်ထဲမှာ ဘက်ထရီကောင်းတယ်ဆိုတဲ့ ချီးကျူးစကားရဖို့ အဝေးကြီးဖြစ်နေပါသေးတယ်။

ယခုအချိန်မှာ Apple က iPhone 11 ဘက်ထရီသက်တမ်းပိုကောင်းဖို့ လုပ်ဖို့ အချိန်ပဲလို့ ထင်ပါတယ်။ ညည့်နက်သန်းခေါင်ရောက်မှ အားသွင်းကြိုး ကမန်းကတမ်းထရှာရတာ ဘယ်သူက လုပ်ချင်မှာလဲ။

ဘက်ထရီနည်းပညာက တစ်ခါအားသွင်းပြီးရင် ရက်အတော်ကြာကြာလှည့်ကြည့်စရာမလိုအောင် သက်တမ်းကြာရှည်စေနိုင်မယ့် နည်းပညာအထိ မရောက်သေးပါဘူး။ ဒါပေမယ့် iPhone အနေနဲ့ တစ်ခါအားသွင်းပြီးရင် နှစ်ရက်လောက် တာရှည်ခံရင်တော့ လူအများကြားမှာ ရေပန်းစားသွားဦးမှာ အသေအချာပါပဲ။

4. eSIM only

(ဒီနည်းပညာကတော့Taungoo.Net အနေနဲ့ ပြောရရင် လက်ရှိအခြေအနေမှာ မြန်မာနိုင်ငံမှာရှိတဲ့ Operator တိုင်းဟာ eSIM မရသေးလို့ အဆင်ပြေမှာမဟုတ်ပါဘူး။ ဒါ့ကြောင့် ဝယ်လိုအား လျော့သွားနိုင်လို့ မဖြစ်နိုင်သေးဘူးလို့ထင်မိပါတယ်။)

iPhone နောက်ဆုံးထွက်ခဲ့တဲ့ မော်ဒယ်လ်တွေမှာ dual SIM နည်းပညာကို ထည့်သွင်းခဲ့ပေမယ့် တကယ်တမ်းသုံးရတဲ့ physical SIM ကတော့ တစ်ကဒ်ပဲ ထည့်လို့ရပါတယ်။ တခြားကဒ်တစ်ခုကတော့ eSIM နည်းပညာပါ။ eSIM ကို handset ထဲမှာ ထည့်သွင်းထားပြီး activation လုပ်တဲ့ Operator ရဲ့ network ကို အလိုအလျောက် ချိတ်ဆက်သွားမှာပါ။

SIM ကဒ်တွေထည့်စရာမလိုတော့အောင်လို့ iPhone 11 မှာ နှစ်ကဒ်စလုံး eSIM နည်းပညာသုံးမလားဆိုတာ စဉ်းစားစရာပါ။ ဒါဆိုရင် eSIM နှစ်ကဒ်သုံးတဲ့အတွက် လွယ်လွယ်ကူကူ Operator Network တွေ ပြောင်းလဲအသုံးပြုနိုင်မှာဖြစ်ပါတယ်။

နောက်ပြီးတော့ SIM ကဒ်ထည့်စရာမလိုတော့ဘူးဆိုရင် handset ထဲမှာ အဖိုးတန်နေရာတွေပိုလာနိုင်ပါတယ်။ ဒါ့ကြောင့် feature အသစ်တွေအတွက် sensor အသစ်တွေထည့်ဖို့ (ဒါမှမဟုတ်) ဘက်ထရီကို နည်းနည်းကြီးကြီးထည့်ဖို့ နေရာရလာနိုင်တယ်မဟုတ်လား။

ဒီအတွက်တော့ ကမ္ဘာအနှံ့က Operator တွေက eSIM နည်းပညာကို အထောက်အပံ့ပေးဖို့လိုအပ်ပါတယ်။ ဒါပေမယ့်လည်း 2019 ဟာ 5G နည်းပညာကို မိတ်ဆက်တဲ့နှစ်ဖြစ်တဲ့အားလျော်စွာ မဝေးတော့တဲ့ အနာဂတ်မှာ eSIM ဆိုတာဟာ Operator အကုန်လိုက်လုပ်ဖို့ ဖြစ်နိုင်တဲ့အတွက် Dual eSIM ဆိုတဲ့အချက်ဟာလည်း စဉ်းစားစရာပဲဖြစ်ပါတော့တယ်ခင်ဗျာ။

Could iPhone XI power a laptop?

နောက်ထပ်ပေါ်လာတဲ့ စဉ်းစားစရာအချက်ကတော့ iPhone 11 (or) iPhone XI ဟာ ကွန်ပျူတာတစ်လုံးလိုများ ဖြစ်နေမလားဆိုပြီးတော့ပေါ့။ ယနေ့ခေတ်နည်းပညာဟာ အနာဂါတ်မှာ ဖုန်းတစ်လုံးဟာ ဖုန်းအနေနဲ့ရော Desktop ကွန်ပျူတာအနေနဲ့ပါ အသုံးပြုလို့ရလာစရာ အကြောင်းရှိပါတယ်။ အဲ့ဒီ ပြောင်းလဲမှုဟာလည်း မြင်တွေ့နေရပါပြီ။ iPhone XI ကို ဖုန်းကွန်ပျူတာအနေနဲ့ စတင်တွေးမိတဲ့ နည်းပညာတော့မဟုတ်ပါဘူး။ ဘာဖြစ်လို့လဲဆိုတော့ Apple ဟာ iPad Pro တစ်လုံး အဆိုပါကွက်လပ်ကို ဖြည့်ဆည်းနိုင်တယ်ဆိုတာကို ပြသခဲ့ပါသေးတယ်။ Logitech Slim Combo case နဲ့ iPad နဲ့တွဲပြီး PC အဖြစ်အသုံးပြုထားတာပါ။

Phone ကိုအသုံးပြုပြီး Laptop အဖြစ်ပြောင်းလဲတာကို Razer ဆိုတဲ့ Gaming Phone က Razer Phone 2 ကို အသုံးပြုပြီး ပြသဖူးပါတယ်။ ၂၀၁၈ ဇန်နဝါရီလမှာ ကျင်းပခဲ့တဲ့ International Consumer Electronics Show (CES) 2018 ပွဲမှာကတည်းက Razer ဟာ သူ့ရဲ့ Project Linda ကို ချပြခဲ့ပါတယ်။ PC ရဲ့ Mouse Touchpad နေရာမှာ Razer Phone 2 ကိုထည့်ပြီး PC main screen နေရာမှာ ဖုန်းရဲ့ display ပေါ်လာတာဖြစ်ပါတယ်။ Razer Phone 2 ရဲ့ဈေးကတော့ အမေရိကန်ဒေါ်လာ ၉၆၀ ဝန်းကျင်ရှိပြီး ၂၀၁၈ အောက်တိုဘာလမှာ ဖြန့်ချီခဲ့တာဖြစ်ပါတယ်။

၂၀၁၈ သြဂုတ်လမှာ ဖြန့်ချီပြီး အမေရိကန်ဒေါ်လာ ၈၅၀ ဝန်းကျင်သာရှိတဲ့ Samsung Note 9 ဟာလည်း သူ့ရဲ့ DeX Mode ကို အသုံးပြုပြီး ကွန်ပျူတာအနေနဲ့ အသုံးချလို့ရကြောင်း ပြသခဲ့ပါသေးတယ်။ Monitor နဲ့ တိုက်ရိုက်ချိတ်ဆက်ပြီး Phone ကို Touch Screen အဖြစ်သုံးလို့ရသလို Monitor ရော Phone ပါ မြင်ရတဲ့ Dual Display အနေနဲ့ပါ အသုံးပြုလို့ရပါတယ်။ ဒါမှမဟုတ်ရင် DeX Station ကို အသုံးချပြီး Monitor, Mouse, Keyboard တို့နဲ့အတူတွဲကာ Desktop တစ်လုံးသဖွယ် အသုံးပြုနိုင်ပါတယ်။

ဒီတော့ အမေရိကန်ဒေါ်လာ ၁၀၀၀ ဝန်းကျင်ရှိနေနိုင်တဲ့ iPhone 11 (ခေါ်) iPhone XI သည်လည်း ဒီ feature ပါလာလေမလားလို့ စဉ်းစားစရာတစ်ခုဖြစ်လို့လာပါတော့တယ်ခင်ဗျာ။

Taungoo.Net မှ မထွက်သေးတဲ့ iPhone model အသစ်အပေါ် စုစည်းတင်ပြမှုတွေကို ကျေနပ်မယ်လို့ထင်ပါတယ်လို့ နိဂုံးချုပ်ရင်း နေ့ကောင်းရက်မြတ်များစွာ ပိုင်ဆိုင်ကြပါစေလို့ တောင်းဆုပြုလိုက်ပါတယ်ခင်ဗျာ။