အမေရိကန်ရဲ့ စီးပွားရေးပိတ်ဆို့မှုခံထားရတဲ့ကြားထဲက Huawei ဟာ mid-range ဖုန်းအမျိုးအစားဖြစ်တဲ့ Nova 5, Nova 5i နဲ့ Nova 5 Pro အသစ်သုံးမျိုးကို ထပ်ထုတ်လိုက်ပြန်ပါတယ်။
Nova 5 နဲ့ 5 Pro တို့ရဲ့ 6.39 လက်မ OLED display အလယ်တည့်တည့်မှာ မျက်ရည်စက်ပုံစံ notch ကလေးပါဝင်ပါတယ်။ အနောက်ဘက်မှာကတော့ ကင်မရာလေးလုံးပါဝင်ပါတယ်။ (48 MP main lens, 16 MP ultrawide, 2 MP macro နဲ့ 2 MP depth sensor ပါ။ Tear-drop notch မှာကတော့ 32 MP camera ပါဝင်ပါတယ်။
In-display fingerprint sensor, fast charging, USB Type-C နဲ့ နားကြပ်ပေါက်ပါဝင်မှာပါ။
Nova 5 နဲ့ Nova 5 Pro ရဲ့ အဓိကကွာခြားချက်ကတော့ processor နဲ့ storage ပဲဖြစ်ပါတယ်။ Huawei က Nova series တွေမှာ Kirin processor တွေကိုပဲ သုံးနေတာကြောင့် Hisilicon ရဲ့ processor အသစ်ဖြစ်တဲ့ Kirin 810 processor ကို Nova 5 မှာ ထည့်သွင်းအသုံးချထားပါတယ်။ Nova 5 Pro မှာတော့ မနှစ်ကထုတ်ထားတဲ့ Mate 20 ဖုန်းမှာ အသုံးပြုခဲ့တဲ့ Kirin 980 chipset ကိုအသုံးချထားပါတယ်။
GizmoChina ရဲ့ သတင်းအရ Nova 5 ဟာ RAM 6GB နဲ့ Storage က 128 GB ပါဝင်ပြီး Nova 5 Pro မှာကတော့ 8GB / 256GB ပါဝင်ပါတယ်။
Nova 5 ရော Nova 5 Pro ရော microSD card ထပ်မံစိုက်လို့ရတဲ့ slot တွေ ပါဝင်ပြီး Nova 5 Pro က NFC support လုပ်ပေးပါတယ်။
Nova 5i ကတော့ ဖုန်းမျက်နှာပြင်ရဲ့ ဘယ်ဘက်အပေါ်ထောင့်နားလေးမှာ ကင်မရာအပေါက်ကလေးပါတဲ့ ဒီဇိုင်းပါ။ 6.4 လက်မ LCD display အသုံးပြုပြီး Kirin 710 processor ကို ပါဝင်ပါတယ်။ 6 GB / 8 GB RAM နဲ့ Storage ကို 128 GB နဲ့ ထွက်လာပါလိမ့်မယ်။ microSD slot လည်း ပါဝင်ပါတယ်။ Nova 5i လည်း ကင်မရာလေးလုံး (24-megapixel main, 8-megapixel ultrawide, 2-megapixel macro နဲ့ 2-megapixel depth) နဲ့ အရှေ့ဘက်မှာ 24 MP camera ပါဝင်မှာပါ။ Fingerprint sensor ကိုတော့ အနောက်ဘက်မှာ တပ်ထားပြီး NFC ကို support လုပ်မှာ မဟုတ်ပါဘူး။
ဖုန်းသုံးမျိုးစလုံးဟာ Huawei ရဲ့ Android 9 Pie ကို အခြေခံထားတဲ့ EMUI 9.1 ကို အသုံးပြုမှာပါ။
ဈေးနှုန်းများ
Huawei Nova 5
8 GB RAM + 128 GB storage – 2,799 Yuan (~$407)
Dilemma Forest, Midsummer Purple နဲ့ Bright Black ဆိုတဲ့ အရောင်သုံးမျိုးထွက်ရှိကာ ဇူလိုင် ၁၃ ရက်နေ့မှာ ကြိုတင်မှာယူလို့ရနေပြီး ဇူလိုင် ၂၀ မှာ စတင်ရောင်းချပါလိမ့်မယ်။
Huawei Nova 5 Pro
8 GB RAM + 128 GB storage – 2,999 Yuan (~$436)
8 GB RAM + 256 GB storage – 3,399 Yuan (~$494)
8 GB RAM + 256 GB storage (special limited edition) – 3,799 Yuan (~$552)
အရောင်တွေအနေနဲ့ကတော့ Dilemma Forest, Midsummer Purple, Coral Orange နဲ့ Bright Black တို့ ဖြစ်ပြီး ဇွန် ၂၈ ရက်နေ့မှာ စတင်ရောင်းချမှာဖြစ်ပါတယ်။
Huawei Nova 5i
6 GB RAM + 128 GB storage – 1,999 Yuan (~$291)
8 GB RAM + 128 GB storage – 2,199 Yuan (~$319)
Crush Blue, Crush Red နဲ့ Midnight Black ဆိုပြီး အရောင်သုံးမျိုးနဲ့ထုတ်ကာ ဇွန် ၂၈ ရက်နေ့မှာ စတင်ရောင်းချမှာ ဖြစ်ပါတယ်။
စီးပွားရေးပိတ်ဆို့ထားခြင်းခံထားနေရတဲ့အချိန်မှာ ဒီဖုန်းတွေကို ဘယ်နိုင်ငံတွေကို တင်ပို့ပေးနိုင်မလဲ ဘယ်နိုင်ငံတွေမှာသုံးကြမလဲဆိုတာ စိတ်ဝင်စားစရာပါပဲ။ နောက်ပြီးတော့ Nova 5 series ဟာ Android တွေနဲ့ထုတ်ထားတာဖြစ်တဲ့အတွက် သြဂုတ် ၁၉ ရက်နောက်ပိုင်း Android ရဲ့ Support မလုပ်တော့ဘူးဆိုတော့
Taungoo.Net မှနေပြီး ရှာဖွေတင်ဆက်ပေးလိုက်ကာ ပုံ နှင့် အချက်အလက်များကို အင်တာနက်သတင်းဋ္ဌာနများမှ စုဆောင်းတင်ပြအပ်ပါတယ်။
ပြန်လည်ကူးယူဖော်ပြချင်ရင်တော့ Credit: Taungoo.Net ဟု ထည့်သွင်းဖော်ပြပေးပါရန် တောင်းဆိုအပ်ပါတယ်ခင်ဗျာ။