Bye Bye Windows 7 in 2020 (Windows 7 အား နှုတ်ဆက်ရတော့မည်)
Windows 7 အသုံးပြုနေသူ မြန်မာနိုင်ငံက user တွေအတွက်တော့ သတင်းကောင်းဟုတ်/မဟုတ်ကို မပြောတတ်တော့ပါဘူး။ (မြန်မာနိုင်ငံက စက်တွေမှာ individual (or) personal PC တွေမှာက Windows pirate တွေ အသုံးပြုတာများပါတယ်။) ဘာဖြစ်လို့လဲဆိုတော့ လာမယ့် ၂၀၂၀ ဇန်နဝါရီလ ၁၇ ရက်နေ့ကစပြီး Microsoft က ကိုးနှစ်ကြာသက်တမ်းရှိနေပြီဖြစ်တဲ့ Windows 7 ကို support မလုပ်တော့ဘူးလို့ ပြောပါတယ်။ တကယ်ကတော့ Mainstream Support ကို ၂၀၁၅ ဇန်နဝါရီလကတည်းက ရပ်တန့်ခဲ့တာဖြစ်ပေမယ့် လုံခြုံရေးကိုတော့ ဆက်ပြီး support လုပ်နေသေးပါတယ်။ အခုနောက်ဆုံးထုတ်ပြန်ချက်မှာတော့ ၂၀၂၀ ဇန်နဝါရီမှာ လုံခြုံရေးအတွက်ရော အားလုံးကိုပါ support ပေးတာ ရပ်နားမှာဖြစ်ပါတယ်။ (Windows Vista ကို ဧပရယ် ၁၁ ရက်၊ ၂၀၁၇ မှာ support မလုပ်တော့ပါဘူး။ Windows XP ကိုတော့ ဧပရယ် ၈ ရက်၊ ၂၀၁၄ မှာ support လုပ်တာကို ရပ်နားခဲ့ပါတယ်။) ဒါကြောင့် သာမန်အသုံးပြုသူတွေအနေနဲ့ လုံခြုံရေးကောင်းမွန်ဖို့ Windows 10 ကို upgrade လုပ်ပြီးသုံးဖို့ လိုအပ်နေပါပြီ။ ဒါပေမယ့် Corporate version နဲ့ Professional version အသုံးပြုသူတွေကိုတော့ Microsoft က Security update သုံးနှစ်ထောက်ပံ့ပေးထားဦးမှာပါတဲ့။ (ဒီကြားထဲ ပြောင်းသုံးချင်သုံးလို့ရအောင်လို့ပါ။) အဲ့ဒီအထောက်အပံ့က အခမဲ့မဟုတ်ပါဘူး။ Media တွေမှာ တွေ့ရသလောက်ဆိုရင် အဲ့ဒီ Security updates အတွက် ဈေးနှုန်းတွေ တော်တော်လေးကြီးပါတယ်။
နည်းပညာနဲ့ဆိုင်တဲ့ စီးပွားရေးသတင်းတွေကို အဓိကထားပြီးဖော်ပြပေးတဲ့ ZDNet website ရဲ့ ပြောကြားချက်အရ Windows 7 Extended Security Updates (ESUs) တွေကိုဝယ်ယူဖို့ဆိုရင် Windows 7 ဝယ်ယူထားတဲ့ ကုမ္ပဏီအောက်မှာရှိနေတဲ့ အသုံးပြုနေသူ အရည်အတွက်အပေါ်မူတည်ပြီး အခကြေးငွေပေးဆောင်ရလိမ့်မယ်လို့ Microsoft partner တွေနဲ့ အရောင်းသမားတွေကတစ်ဆင့် သတင်းရရှိပါတယ်လို့ ဆိုပါတယ်။ Enterprise version သုံးနေတဲ့သူတွေအတွက် ပထမနှစ်မှာ စက်တစ်လုံးကို ကန်ဒေါ်လာ ၂၅၊ ဒုတိယနှစ်မှာ ကန်ဒေါ်လာ ၅၀ နဲ့ တတိယနှစ်မှာ ကန်ဒေါ်လာ ၁၀၀ ထပ်မံပေးဆောင်ရမှာပါ။ Professional version သုံးတဲ့သူအတွက်ဆိုရင် ဈေးက နှစ်ဆလောက်တက်သွားပါတယ်။ ပထမနှစ်မှာ စက်တစ်လုံးကို ကန်ဒေါ်လာ ၅၀၊ ဒုတိယနှစ်မှာ ကန်ဒေါ်လာ ၁၀၀ နဲ့ တတိယနှစ်မှာ ကန်ဒေါ်လာ ၂၀၀ ပေးရမှာပါ။
Microsoft က ၂၀၂၀ ဇန်နဝါရီ ၁၄ ရက်နေ့အထိကတော့ security updates တွေကို အခမဲ့ပေးနေဦးမှာပါ။ ဒါကြောင်မိုလို့ Windows 7 ဟာ အခကြေးငွေနဲ့ သက်တမ်းတိုးထားဦးမယ်ဆိုရင် ၂၀၂၃ အထိတော့ support လုပ်နေဦးမှာပဲ ဖြစ်ပါတယ်။
ဒါဆိုရင် ၂၀၂၀ မှာ Windows 10 အသုံးပြုသူဦးရေတော့ တက်လာဖွယ်ရာရှိပါတယ်။ ဒါပေမယ့် Windows 10 လက်မခံတဲ့ hardware တွေ အသုံးပြုထားတဲ့ ကွန်ပျူတာတွေအတွက်တော့ ရတက်ပွေဦးမှာ မုချပါပဲ။
ဒီတော့Taungoo.Net ပရိသတ်တွေထဲမှာ Windows 7 မှ Windows 7 ဆိုတဲ့ ကွန်ပျူတာသမားတွေလည်း နောက်နှစ်ဆိုရင် Windows 10 ကို ပြောင်းရတော့မှာမိုလို့ အခုထဲက Windows 10 ကို လေ့လာထားကြပါလို့ တိုက်တွန်းချင်ပါတယ်။ (ကျွန်တော်ကိုယ်တိုင်ကလည်း Windows 7 သမားပါပဲ။)