iPhone ရဲ့ ကုမ္ပဏီဖြစ်တဲ့ Apple ဟာ iPhone SE တွေကို ဂိုဒေါင်ရှင်းတဲ့သဘောမျိုးနဲ့ ကန်ဒေါ်လာ ၂၄၉ မှ စတင်ပြီး တိတ်တဆိတ်ရောင်းချနေပါတယ်။ မျက်နှာပြင်အကျယ် လေးလက်မပဲရှိတဲ့ iPhone SE ဟာ iPhone 6S ရဲ့ အတွင်းကလီစာတွေကို iPhone 5S ဘော်ဒီထဲ ထည့်ထားတဲ့သဘောမျိုးပါပဲ။ iPhone SE ဟာ ၂၀၁၆ မတ်လက ဈေးကွက်ထဲဖြန့်ချီခဲ့ပြီး ၂၀၁၈ စက်တင်ဘာလလောက်မှ ပစ္စည်းပြတ်လပ်သွားတာဖြစ်ပေမယ့် Apple နှံ့စပ်ကျွမ်းကျင်သူ ဆရာကြီးတွေအကြားမှာတော့ အတော်လေးပေါက်မြောက်ခဲ့ပါတယ်။ တကယ်လို့ သင်ဟာ နောက်ဆုံးထွက်တဲ့ အသေးဆုံး iPhone ဖြစ်တဲ့ iPhone SE ကိုမှ လိုချင်ပါတယ်ဆိုရင်တော့ ဝမ်းနည်းစရာမလိုတော့ပါဘူး။ Apple က ဂိုဒေါင်ရှင်းအနေနဲ့ ပြန်ရောင်းတယ်ဆိုတော့ သတင်းကောင်းပဲမဟုတ်လား။

ဒီသတင်းကို Apple လေ့လာသူတွေဖြစ်တဲ့ MacRumors ကနေ တွေ့ရှိခဲ့တာပါ။ Apple က တိတ်တဆိတ်နဲ့ ဂိုဒေါင်ရှင်းနေတာဆိုတော့ သတင်းထုတ်ပြန်မှု မရှိဘူးလေ။

Silver, Rose Gold, Space Grey နဲ့ Gold model တွေရဲ့ ဈေးနှုန်းကတော့ 32GB အတွက် ကန်ဒေါ်လာ ၂၄၉ ပါ။ (ကန်ဒေါ်လာ ၃၄၉ ကနေ ဈေးချခဲ့တာပါ)
128GB model တွေအတွက်ကတော့ ကန်ဒေါ်လာ ၂၉၉ ပါ။ (ကန်ဒေါ်လာ ၄၄၉ ကနေ ဈေးချထားတာပါ)
ဖုန်းတွေကတော့ အသစ်တွေပါ။ Unlock လည်း လုပ်ထားပါတယ်။ Retina ပါတဲ့ လေးလက်မအရွယ် မျက်နှာပြင်နဲ့ Apple ရဲ့ A9 chipset ကို အသုံးပြုထားပါတယ်။ နောက်ပြီးတော့ အရှေ့မှာ 12 Megapixel ကင်မရာပါဝင်ပါတယ်။

ဒါပေမယ့် ဒီဂိုဒေါင်ရှင်းတာက အမေရိကန်က ဝယ်ယူသူတွေအတွက်ပဲဖြစ်ပြီး အင်္ဂလန်က Apple ဝက်ဆိုက်မှာတော့ iPhone SE ရောင်းတာမတွေ့ရသေးပါဘူး။

Apple ဟာ မျက်နှာပြင်လေးလက်မပဲရှိပြီး headphone jack ပါတဲ့ နောက်ဆုံးထုတ် iPhone SE အရောင်းကို ၂၀၁၈ စက်တင်ဘာလကတည်းက အရောင်းရပ်ထားခဲ့တာပါ။ ဒီဖုန်းဟာ Apple ရဲ့ flagship ဖုန်းတွေထက်တောင် ဈေးချိုနေပါသေးတယ်။ (တခြားဖုန်းတွေက ကန်ဒေါ်လာ ၃၄၉ ကနေ စပြီးရောင်းတာပါ)
လက်ရှိအခြေအနေမှာတော့ iPhone တွေထဲမှာ ဈေးအချိုဆုံး ဖုန်းတွေဖြစ်တဲ့ iPhone XR နဲ့ iPhone 7 ကို ကန်ဒေါ်လာ ၄၄၉ ကနေ စတင်ပြီး ဝယ်ယူနိုင်ပါတယ်။

iPhone SE ဝယ်ယူချင်ရင်တော့ အောက်ကလင့်မှာ သွားဝယ်လို့ရပါတယ်လို့ သတင်းကောင်းလေးပေးပါရစေ။

https://www.apple.com/shop/product/MP7Y2LL/A/iphone-se-128gb-silver-unlocked