ဖျက်ခနဲကြည့် သူသိမှာစိုး
တိတ်တခိုးရစ် ကြိတ်ပိုးချစ်နဲ့
ဒို့အဖြစ်ရယ်.....................
အချစ်လှိုင်းယက် ရင်၌ခက်လဲ
ရွှေရင်မောတဲ့ သံယောဇဉ်ကို
သူသိရက်ခက် ပျက်ရယ်မှာစိုး
တွေးမောနေရစ် မျှော်လင့်ချစ်နဲ့
ဒို့အဖြစ်ရယ် .......................
အချိန်နဲလေး ကာလသေးလဲ
ခိုတွဲနွယ်ငင် သံယောဇဉ်နဲ့
အမြစ်တွယ်ရစ် တို့အချစ်ကြောင့်
ချစ်တယ်သိပ်ချစ် ရင်ဖွင့်ပစ်ချင် .......
အစိမ်းရောင်သမ်း ပန်းနှုတ်ခမ်းနဲ့
ကျောခိုင်းနှုတ်ဆက် ဝေးရစ်ရက်မှာ
တွေးခါစိတ်ရှုပ် ကျောက်ရုပ်ဘဝ
နုတ်ဆွံ့အလဲ ..........................
မျက်ဝန်းအိမ်ထဲ အစဉ်စွဲတဲ့
မင်းရဲ့ပုံရိပ် အိပ်မက်ထဲထိ
စွဲငြိနေဆဲ စိုးမိုးဆဲလေ .........
ဒီဖြစ်ထွေကို သူသိလေလျှင်
စိမ်းလေမလား ယိမ်းလေမလား ......
===
Author : nesshinnaung
Date : 17 May 2008
Source : Taungoo City Blog