Details
Hits: 348

အကောင်းမြင်ဝါဒီသမားဟာ ဥမင်လှိုင်ခေါင်းရဲ့ အဆုံးမှာ အလင်းရောင်ကို မြင်တယ်။ ဒါဟာ ထွက်ပေါက် ဖြစ်မယ်လို့ အကောင်းမြင်တဲ့စိတ်နဲ့ တွေးလိုက်တယ်။

အဆိုးမြင်ဝါဒီသမားဟာ ဥမင်လှိုင်ခေါင်းရဲ့ အဆုံးမှာ အလင်းရောင်ကို မြင်တယ်။ ဒါဟာ ရထားတစ်စီး တဟုန်ထိုးလာနေတာ ဖြစ်မယ်လို့ အဆိုးမြင်တဲ့စိတ်နဲ့ တွေးလိုက်တယ်။

ရထားမောင်းတဲ့သူကတော့ အရူးနှစ်ကောင် ရထားသံလမ်းပေါ်မှာ ယိမ်းထိုးရင်း လျှောက်နေတာကိုမြင်တယ်။

Details
Hits: 539

စပိန်နိုင်ငံရဲ့ မြို့တစ်မြို့မှာ နွားရိုင်းသတ်ပွဲပြီးတာနဲ့ မြို့တော်ဝန်ကို နွားရိုင်းရဲ့ဖိုက်တင်းဘောကို အမျိုးမျိုးချက်ပြုတ်ပြီး ဧည့်ခံလေ့ရှိပါတယ်။

တစ်နေ့မှာလည်း ထုံးစံအစဉ်အလာအတိုင်းဧည့်ခံပြီးတဲ့နောက် -

မြို့တော်ဝန် ။ ။ စားလို့တော့ အကောင်းသားပဲ ... ဒါပေမယ့် ဒီနေ့ ဖိုက်တင်းဘောက သေးတယ်နော် ...

စားဖိုမှူး ။ ။ ဟုတ်ကဲ့ ... ဒီနေ့က နွားရိုင်းနိုင်သွားလို့ပါခင်ဗျ ...

Details
Hits: 350

ဖခင်ဖြစ်သူဟာ မုသားဖော်စက်တစ်လုံးဝယ်လာပြီး အိမ်တွင် တပ်ဆင်ထားလေသည်။ မုသားဖော်စက်က လိမ်ညာတဲ့စကားပြောတဲ့အခါ အသံမြည်တဲ့စက်တစ်လုံးပါ။

ညနေမှာ သားတော်မောင် ကျောင်းက ပြန်ရောက်လာလေသည်။

ဖခင် ။ ။ သား မင်းဒီနေ့ ကျောင်းတက်တယ်ပေါ့

သား ။ ။ ဟုတ်တယ် အဖေ

မုသားဖော်စက်က “တီ တီ” မြည်လာလေသည်။

သား (ထိတ်လန့်သွားကာ) ။ ။ အဲ ... မဟုတ်ဘူး အဖေ ... သား ဒီနေ့ ကျောင်းပြေးပြီးတော့ ရုပ်ရှင်ရုံ သွားတာ ...

မုသားဖော်စက်က “တီ တီ” မြည်လာလေသည်။

သား (ချွေးပျံလာကာ) ။ ။ ဟို ... အဲ ... ဟိုဒင်းလေ ... သား ... သူငယ်ချင်းတွေ ခေါ်လို့ ဘီယာ သွားသောက်တာ ...

ဖခင် (ဒေါသထွက်သွားပြီး) ။ ။ ဘာ ! ဘီယာ ... ဟုတ်လား ... ငါ့တုန်းက မင်းအရွယ်မှာ ဘီယာ၊ အရက်မပြောနဲ့ ထန်းရည်တောင် သောက်တာမဟုတ်ဘူး ...

မုသားဖော်စက်က “တီ တီ” မြည်လာလေသည်။

သားအဖ နှစ်ဦးသား ပြောနေတဲ့ စကားတွေကို နားစွင့်နေတဲ့ အမေဖြစ်သူကလည်း မီးဖိုချောင်ထဲမှ ထွက်လာ၍ ရယ်မောကာ ...

မိခင် ။ ။ ဟင်း ဟင်း ဟင်း ... တွေ့လား ... ရှင့်စက်က မဟုတ်တာတွေကို လှမ်းသတိပေးနေတာ ... ရှင်လည်း ငယ်ငယ်ရွယ်ရွယ်နဲ့ အရက်သောက်တတ်လို့ ရှင့်သားလည်း သောက်တတ်နေတာ ...

မုသားဖော်စက်က “တီ တီ” မြည်လာလေသည်။

Details
Hits: 280

မေမေ ။ ။ သားပက်ထရစ်၊ ဒီနေ့ ကျောင်းမှာဘယ်လိုလဲ၊ ပျော်စရာကောင်းရဲ့လား ?

သား ။ ။ သိပ်ပျော်စရာကောင်းတာပေါ့ မေမေ .. ဒီနေ့ ကျောင်းမှာ သားတို့တွေ ဖောက်ခွဲရေး သင်ခန်းစာတွေ လက်တွေ့လုပ်ကြရတယ် ... ရုပ်ရှင်ထဲက အတိုင်းပဲ ...

မေမေ ။ ။ ဟယ် ... ဟုတ်လား ... သားတို့ ပျော်ခဲ့ကြတယ်ပေါ့ ... ဒါဆို မနက်ဖြန်ရော ကျောင်းမှာ ဘာတွေလုပ်ကြဦးမလဲ ?

သား ။ ။ ကျောင်း ? ဘယ်ကျောင်းကိုပြောတာလဲ ... အခုကျောင်းကတော့ ....

Details
Hits: 275

သား ။ ။ လေတွေက ဘယ်ကနေ ဖြစ်လာတာလဲ ဖေဖေ ?

အဖေ ။ ။ မသိဘူး သား ...

သား ။ ။ ဘာဖြစ်လို့ ခွေးတွေက ဟောင်ကြတာလဲ ဖေဖေ ?

အဖေ ။ ။ မသိဘူး သား ...

သား ။ ။ ဘာဖြစ်လို့ ကမ္ဘာကြီးက လုံးဝန်းနေတာလဲ ဖေဖေ ?

အဖေ ။ ။ မသိဘူး သား ...

သား ။ ။ (ခဏတွေဝေသွားပြီး) သား မေးခွန်းတွေ မေးနေတာ ဖေဖေ အနှောက်အယှက်များ ဖြစ်နေလား ?

အဖေ ။ ။ (သားကို ပြုံး၍ကြည့်ကာ) မဖြစ်ပါဘူး သား ... မေးခွန်းတွေ များများမေးမှ သား နောင်တစ်ချိန်မှာ အသိပညာ ကြွယ်ဝလာမှာလေ ... မေးသာမေး ...

Details
Hits: 279

ခရီးသွားလူတစ်ဦးဟာ စိုက်ပျိုးရေးခြံတစ်ခြံနားရောက်လာတယ်။ ခြံထဲမှာ ခြံစည်းရိုးပြင်နေတဲ့ ဦးလေးအရွယ် လူတစ်ယောက်ကိုတွေ့တော့ အနားသွားပြီး မေးလိုက်တယ်။

ခရီးသွား ။ ။ ဦးလေး ... တဆိတ်လောက်ဗျာ ... ကျွန်တော် ဟော့ဒီခြံထဲက ဖြတ်ကူးသွားရင် ဘူတာရုံကို ရောက်နိုင်လားခင်ဗျ ... ကျွန်တော် လေးခွဲရထားကို မှီချင်လို့ပါ ...

ဦးလေး ။ ။ ရတာပေါ့ ငါ့တူရ ... တကယ်လို့ ငါ့နွားသိုးလေးသာ မင်းကိုမြင်ကြည့် ... လေးနာရီမထိုးခင်တောင် ဘူတာကိုရောက်သွားဦးမယ် ...

Details
Hits: 307

စားသုံးသူ ။ ။ ဟေ့ စားပွဲထိုး ... လာစမ်း ... မင်းတို့ဆိုင်က ဘာလဲကွ ... ဟော့ဒီ ဘဲသားဟင်းက သိုးနေတယ် ... ငါ မစားနိုင်ဘူး ... မင်းမန်နေဂျာ ခေါ်ခဲ့စမ်း ...

စားပွဲထိုး ။ ။ ခေါ်လဲ အပိုပါပဲဆရာ ... သူလည်း စားနိုင်မှာ မဟုတ်ပါဘူး ...