ကိုဝဝတို့ သားအဖနှစ်ယောက် ညစာစားပြီးတော့ အိမ်ရှေ့ဧည့်ခန်းမှာ ထမင်းလုံးစီနေကြတယ်။

သားဆိုတာ အမေချစ်များကြတော့ သားကို စ,တဲ့အနေနဲ့ ...

ကိုဝဝ ။ ။ သားရေ ... မင်းအမေနဲ့ ဖေဖေတို့နှစ်ယောက်ထဲမှာ ဘယ်သူ့ကို ပိုချစ်သလဲ ...

သားငယ် ။ ။ နှစ်ယောက်စလုံးကို အတူတူ ချစ်တာပဲ ...

ကိုဝဝ ။ ။ ကောင်းပြီလေ ... ဒါဆို ဖေဖေက တောင်ကြီးကို အလုပ်ကိစ္စနဲ့ ခရီးထွက်ရမယ် ... မေမေကလည်း ရန်ကုန်ကို သွားရမယ်ဆိုရင် ငါ့သား ဘယ်သူနဲ့လိုက်မလဲ ...

သားငယ် ။ ။ ရန်ကုန်ကို လိုက်မယ် ...

ကိုဝဝ ။ ။ ဟောကြည့် ... မင်းမေမေကို ပိုချစ်လို့ ရန်ကုန်ကို လိုက်သွားမယ် မဟုတ်လား ...

သားငယ် ။ ။ မဟုတ်ပါဘူး ဖေဖေရဲ့ ... ရွှေတိဂုံဘုရားဖူးပြီး ရုပ်ရှင်ကြည့်ချင်လို့ပါ ...

ကိုဝဝ ။ ။ အော် အေး ... ထားပါတော့ ... ဒီလိုဆို ဖေဖေက ရန်ကုန်ကို သွားရပြီးတော့ ... မင်းမေမေက တောင်ကြီးကို သွားရလို့ဆိုရင် ဘယ်သူနဲ့လိုက်ဦးမလဲ ...

သားငယ် ။ ။ တောင်ကြီးကို လိုက်မှာပေါ့ ...

ကိုဝဝ ။ ။ ကဲ ... ပေါ်ပြီ ... မင်းမေမေကို ပိုချစ်ပါတယ်ဆို ...

သားငယ် ။ ။ အော် ... ဖေဖေကလည်း သားက မေမေနဲ့တူတူ ရန်ကုန်ကို ရောက်ပြီးပြီလေ ... အဲ့ဒီတော့ မရောက်ရသေးတဲ့ တောင်ကြီးကိုပဲ လိုက်တော့မှာပေါ့ ... ဖေဖေက တုံးလိုက်တာ ...