လူနှစ်ဦး တောလိုက်ထွက်ကြတယ်။
တစ်နေရာမှာ တစ်ဦးက ရုတ်တရက် လေဖြတ်ပြီး လဲကျသွားတယ်။ အသက်မရှူနိုင်တော့ပဲ မျက်စေ့တွေလည်နေတယ်။
တခြားတစ်ဦးက ထိတ်လန့်တကြားနဲ့ ဖုန်းထုတ်ကာ အရေးပေါ်ဋ္ဌာနကို ဖုန်းဆက်တယ်။
“ကယ်ကြပါဦးဗျာ ... ဒီမှာ ကျွန်တော့်သူငယ်ချင်း သေပြီနဲ့တူတယ် ... ဘာဆက်လုပ်ရတော့မလဲ ... ကူညီပါဦးဗျာ”
အရေးပေါ် အော်ပရေတာက ပြန်ဖြေတယ်။
“ကျေးဇူးပြုပြီး စိတ်ငြိမ်ငြိမ်ထားပါရှင် ... ကျွန်မတို့ အကူအညီပေးနိုင်ပါတယ် ... ပထမဦးဆုံး ရှင့်သူငယ်ချင်း သေပြီဆိုတာ သေချာရဲ့လား?”
တခဏတော့ ငြိမ်သက်သွားတယ်။ ပြီးတော့ သေနတ်သံတစ်ချက် “ဒိုင်း”ခနဲ ကြားလိုက်ရတယ်။
ပြီးတော့ ဖုန်းကိုကောက်ကိုင်ပြီး ဖြေလိုက်တယ်။
“ဟုတ်ကဲ့ ... သေချာသွားပါပြီ ... ပြီးရင် ဘာဆက်လုပ်ရဦးမလဲ?”